Page 148 - Muyurina y el presente profundo

Serie Adugo biri I 15
«¿Mikuyta munankichu? ¿Imatataq upyayta munachkanki?» «¿Imachata munachkanki wawallay wawa?» ¿Imamá mikunayawanman yakunayawanman chayna kaspaqa? Mamayta yuyaspa yarqaypas chinkarqa manayá mikuyta atirqanichu Hayk’a urasñachá pasarqa Lima lluqsisqaykumantapacha Chaymi taytayta qawaspa waqakurqani chayna purisqaykumanta runapa llaqtankunapi ñak’arisqaykumanta Yaqa pichqa urasña puririsqaykumanta karqa Taytay lawachata mikurqachiwarqa ama unqunaypaq Hinaspa Icapa hawankunata lluqsispa kamyunta hap’ispa kaqmanta illarirqaniku Kamyunpa qipanpi chalakunawan vakapa pastunkunawan chaqrusqa rirqaniku Chaynam Nazca llaqtaman chayarqaniku chaypipas ni ni pipas aylluykunata rikusqachu Chaymi taytay waqanñataq phiñakunñataq k’umuspa puriykacharqa mana ima rurayta atispa ichapas chayraq paypa huchan kasqanta musyarqa Chay kamyunllapitaq Chalaman chayaytapunim munarqaniku manaraq tutayachkaptin Kamyun illanankamaqa umayqa maypichá karqa: «Ñuqaykutas suwakuna hap’iwayta munarqanku taytaypa qullqinta suwananpaq Kay suwakunas karritirapi sayanaykukama taytayta allinta qawapayaspa bulsillunpi achka qullqita rikusqaku chaymi qatipawasqaku tayta Orregowan trataspa Chaytam ñuqa musyarqani chaymi chay chay chala ukunpi pakakuspa illarqaniku» Chaykunata musqunaykama kamyunqa phawaspa Chalaman chayarparisqa Yaqa chunka
148