Page 149 - Muyurina y el presente profundo
P. 149
MUYURINA I I Juan G Sánchez Martínez / Fredy A A Roncalla
urasñam karqa ancha tutañam Ichapas chay tutaqa tayta Orregota qatipayqa usyanmanña ichapas kay kurriykachayqa usyanmanña Tukuy p’unchaw chayllapi kayqa puriyqa anchatam sayk’uchiwarqa Manañam wiqiypas karqachu ancha ancha waqasqaymanta puñuyllam aysawarqa ñuqataq pusachikuq karqani Chalapi mikuq wasiman yaykuchkaptiyku mamayta ñañaykuta rikurqaniku hinaspa hatunmanta waqyaspa paypa qayllanman phawarqaniku Chayraq sunquypas qasi kayta atirqa Llapayku kusikuymanta waqaspa mark’akurqaniku Hinaspa mamay willawarqanku tayta Orregomanta ancha millay runa kasqanmanta Manam imaypas suyawaykuta munarqachu manapunim mamaypa ñak’arisqanta kasurqachu Mamay willawankutaq kayta: «Manam kamyunman siqayta munarqanichu: kaypi kaypi saqiway wawaykunawan kaypim qusayta wawayta suyasaq munaspaqa ripukuy paywanña qipaman allichakunki» Chaymi tayta Orregoqa qiparqa Taytay chayta uyarispa utqayllaña payta maskarqa tariykuspataq lliw hatunmanta anyarparirqa Manayá uyarirqanichu imakunatam nirqa Phiñay phiñasqam karqa Primuykunapaqqa kay wamaq puririyninqa llaqtayta riqsinankupaq manayá sumaqchu karqa ñuqaykutaq paykunaman asuykuspa kusichiyta munarqaniku paykunataq ancha phiñasqa qawaykuwarqa Ratuman taytaypa phiñakuyninpas chinkarparirqa Imaynapichá tayta Orrego masinwan paykunapuralla rimanakurqanku hinaspa llapayku
149
