Page 147 - Muyurina y el presente profundo
P. 147
MUYURINA I I Juan G Sánchez Martínez / Fredy A A Roncalla
mamaykita aypaykusun» Chaymanta kumisariyaman rirqaniku tapuq: «kamiyunkunata pasaqta rikurqankichikchu?» nispa paykunataq niwarqanku «pasapunkuñam» Chayllatam suyarqani manapunim huktaqa niwankumanchu karqa Tayta Orregoqa taytaypa masin nikuq manayá allintachu rurarqa Toncio campamentuman chayaytapuni munaspa utqaylla kamyunninta phawaykachirqa manas mamay nitaq uchuk ñañachaykuna (Irma pusaq watayuq Pitukataq iskayllawan) qukusqachu Manas imaypas yuyarqachu sichus paykunata yarqanman yakunayanman karqa Mamayqa manam qullqi apaq kaqchu taytallaymi tukuyta rantiq karqa Chaymi taytay chayta yuyarispa kumisariyata ñuqawan kaqmanta rispa rispa pulisiyakunata mañakuq tayta Orregota astawan illayta amachanankupaq aswan suyawanankupaq Hinaspa kaqmanta chaypi huk karru- espresuta hap’ispa Icaman chayarqaniku chaypipas manam ayparqanikuchu Kaqmanta runakunata tapurqaniku kaq niwarqanku «pasapunkuñam» nispa Chaymi taytay ñataq llakispa ñataq phiñakuspa qawarayawarqa ñawinpas pukaypuka waqasqanmanta karqa tukuy kallpanwan makiymanta hap’iykuwaspa niwaq «ama anchuriychu laduymanta qampas chinkaruwaqmi» nispa Taytaypas ñuqapas yacharqaniku maypipas mamayta aypananchiktaqa ichapas p’unchaw usyaptinña chaymi mana imatapas rurayta atispaqa llakillaña puriykacharqaniku hukpa llaqtanpi Taytayqa ñuqata llakipayawaspa sapa kuti tapuwaq
147
