Page 146 - Muyurina y el presente profundo
P. 146
Serie Adugo biri I 15
puririyniyku qallarichkarqa Ñuqaqa tukuy timpu anchatam musqukurqani llaqtayman chayayta wasiypa qipanpi wayquman riyta chaypi hatun rumiman siqaspa chaymanta uchuk rumichakunata wayquman ch’amqayta urmaptinku tuq tuq tuq tuq nisqanta uyariyta munakurqani Miski takim rinriypaq karqa Chaynallataqmi musqukurqani pichiwchakunapa takinta uyariyta kiskispatapas p’unchaw usyachkan willasqantaqa Ichaqa chay musquykunaqa astawan ayqirikuspa saqiwayta munarqa Llakipas hap’iwayta qallarichkarqaña sunquyta k’amispa Hatunmanta qapariyta atipawarqa taytayta anyayta munarqani «qampa huchayki kayqa» nispa Ichaqa tukuy munasqay kunkallaypi chinkarparirqa Ñam huk uraña pasarqa manayá ni ni pipas maskaqniyku kutimurqachu iskayña kimsaña ni pipas rikurimunchu Chaymi llakiypas astawan yapakurqa taytaypa phiñakuyninhina Chayraq taytayqa allinta yacharqa saqikuwasqankutaqa Hinaptinmi ñuqayku karritiraman churakurqaniku ima karrutapas hap’inaykupaq mamayta ñañachaykunata aylluykunatapas aypaykunaykupaq Chaynam chay hatun ñanpi una-unay sayarirqaniku ni ni pipas uqariwaykuta munarqachu Hayk’a timpuchá chaypi karqaniku makiykuta chutayaraspa chaytaqa manam allinta yuyanichu Llaki uya uya kaptiykuchá huk runa ñuqaykumanta anchata llakikuspa uqariwarqaku hinaspa Chinchaman chayachiwarqaku ichaqa chaypaq achka qullqita mañakurqa Taytaymi nirqa «Hina kachun chaynallam
146
