Page 145 - Muyurina y el presente profundo
P. 145
MUYURINA I I Juan G Sánchez Martínez / Fredy A A Roncalla
kafitapas upyarqaniku Kayna allin mikuyta usyaspa sapankama makiykunata uyaykuta aytikunaykupaq ñaqch’akunaykupaq hisp’anaykupaq ima bañuman rirqaniku Chaymanta mikuq wasita saqispa huk-hukkama kamyunniykuman puririrqaniku tiyanaykupi allinta allichakunaykupaq Chaymanta kaq illarinayku karqa Ña siqanay kachkaptinmi yakunayawarqa hinaspa taytayta nirqani «yaku upyaq risaq willaykuy chufirman suyawananchikpaq» nispa Taytaytaq huk llaqtamasinwan tupaspa miski rimaypi hap’inakuspa mana musyarqachu nitaq yuyarqachu nisqayta chaymi kamyunkunaqa pasapurqanku ñuqaykuta chaypi saqispa Kunankama manayá yachanichu imanaptinmi chayna karqa Kayllatam yacharqani: manañam mamayqa nitaq nitaq ñañachaykuna nitaq nitaq primuykunapas chaypi karqankuchu ¡Chinkarusqankuyá! Hinaptinmi ña taytaypa ñawpaqninpi kaspa utirayaspa ancha llakisqa tapurqani: «¿Maypitaq kamyunkunaqa? ¿Maypim mamay?» Paytaq hawkay hawkalla mana llakikuspa niwarqa «gasulinamanchá rirqanku hamunqakuñachá Ama llakikuychu kayllapim suyasun manapunim saqiwanmankuchu» nispa Ñuqallam uku uku ukuypi yacharqani saqiwasqankutaqa manayá imaypas pinsarqanichu kutimunantaqa Chaymi ñuqaqa tapukurqani «¿Imataq kayqa?» nispa ¡Mamallay mama! Manch’akuyta qallarichkarqaniña Chayraq puriyta qallarichkaptiyku atrasukunaqa lliw rikurimuyta qallarparisqakuña Chayqa manayá allirqachu Ancha sasam
145
