Page 157 - Muyurina y el presente profundo
P. 157
MUYURINA I I Juan G Sánchez Martínez / Fredy A A Roncalla
lawachatam papatapas kisuwan qaraykuwarqanku Chaywan aswan kawsariykuniku Paqarinnintin taytay qaspi-qaspi urapi siqaykurqa Pauza llaqtakama Chaymanta tiyuy Sergiota piwanpas kamachinqa ñuqaykuta maskaq hamunanpaq Chaykama mamayqa pituchakustin waqastin kantu llaqtaman rispa ñanta qawarayallarqa ñawin sayk’ukunankama Hinaspa mana pitapas siqamuqta rikuspa waqasllaña kutimuq samakusqayku wasiman Anchatam llakipayarqani chaynata rikuspa paypa wiqinqa sunquyta nanachirqa Mamayqa manam imatapas taytayta tapuqchu ichapas mana phiñachinanpaq upallallam kakuq Ñuqaykutaq chaykamaqa wasiyuqpa iskay warmi wawachankunawan pukllakurqaniku Chay p’asñachakunapa karqa achka mankacha mit’umanta ruwasqa iskay muñikachapas chaykunawan sayk’ukunaykukama pukllakurqaniku ¿Hayk’a timpuchá Tonciopi qiparqaniku: iskay kimsa tawa p’unchaw? Chaytaqa manam yuyanichu Kunankunaqa karritiraqa manam chaynintachu rin Rumiyasqa qaqallaña kaptinmi huknin Sarasara urqupa waqtanpi hukta rurarqanku chayninta kunan llaqtaykuman riniku Ichapas yaqa simanantin Tonciopi tiyapayakurqaniku Hinaspa huk mana mana musyasqa p’unchaw tutallamanta animalniykunaqa huk runawan chayarqamunku Chaymi utqayllaña kawallukunata sillaykurqanku asnukunatapas k'ipiykurqanku puririnaykupaq paramanta ayqispa 157
