Page 159 - Muyurina y el presente profundo
P. 159
MUYURINA I I Juan G Sánchez Martínez / Fredy A A Roncalla
uchpata hatarichistin Hinaspa utqayllaña sayarispa puriyta qallarirparirqa Musyariptiykuqa ñuqaykutaq wiksanmanta warkurayasqa kachkasqaniku umamanta chaymi tukuy kallpaykuwan qapariptiyku taytay muyurimuspa chaynata rikuwaspa phawaykurqa ñuqayku kaqkama Asikuqpaqyá karqa Asikustin waqastin chayna warkurayarqaniku pampata much’astin taytay paskawanankuman Kunankama chayta yuyaspa yuyaspa asikuniraq uchpa-uchpa uyaykuta yuyaspa yuyaspa aquta
millp’usqaykuta machupa chupanhina warkurayasqaykuta ¡Sasa kaqkunaqa ñuqaykuwan hina kallpachakurqanku! Chaymantapacha taytayqa llapaykupa qipanpi qawastin rirqa utaq ñawpaqninpi machuta chutastin ama kaqmanta quchpananpaq Mana imatapas pinsayta munaspa ñañay Irmachawan taki taki yuyarisqaykutaqa takikurqaniku Chay punchawqa maykamachá rirqaniku nitaq maypichá puñurqaniku Manam yuyanichu Aswan allinta yuyani yuyani Colta llaqtaykuman chayasqaykutaqa Yaqa chawpi p’unchaw pasay karqa Llapayku ancha kusisqa rirqaniku uyaykupas pukaypuka rupaymanta Llamuqpampa urquta muyuriptiyku Colta rikurirparimun musquypihina Llaqtaqa wichayninpi karqa qullqa chakraqa urayninpi yapusqa karqa ichapas sarawan sibadawan Chaymanta hatun ñanninta ristin chayarqaniku Coltapa kantunkama Cruzpataman Hinaptinmi sunquy phawayta munarqa munarqa mana qasi kayta munarqachu ancha kusikuymanta «Coltaman chayaspaqa qispirisunmi» nirqani 159
