Page 158 - Muyurina y el presente profundo
P. 158
Serie Adugo biri I 15
Kawallukuna apamusqankuqa achka runa kaptiyku manam aypawarqankuchu Mamayqa ichirqa sumaq yuraq ankayuq yeguapi sumaq puriqniyuqpi iskay primuykunapaq karqa huk mata wasa kawallu chaymi turnuta rurarqanku Pawsakama chaypiñam qullqipaq huk kabulluta h’apirqanku Irmata ñuqatawan huk yana machupi chaqnaykuwarqanku «mana such’unaykichikpaqmi nitaq urmanaykichikpaqmi chay millay manch’akuq ñankunapi» nispa watawarqanku Taytayqa ñuqatam munturapi watawarqa Irmataqa machupa ankanpi Paytaq sapa kutihina sumaq puka mulanpi ichispa huk makinpi iturqa Pitukachata hukninwantaq rindasta hap’irqa Chaymi allin ura Pawsaman chayarqaniku hinaspa huk ratulla samarqaniku tunasta mikukunaykupaq Taytayqa huk masinpa tunas tunas chakranman pusawarqanku chaypi allin kaq tunasta akllakuspa mikukurqaniku saksakunaykukama Mamayqa chayraq kusirikurqa unaymanta tunas sikinpi yuraq yakusapa tunasta mikukusqanmanta Ña allinta mikurukuspaña kaqmanta huk huk hukkama ichirqaniku animalniykuman ñuqaykutaqa uchuklla kaptiyku kaq chaqnaykuwarqanku Chaynam puririrqaniku: taytay ñawpaqninpi mamay chawpinpi ñuqaykutaq aswan qipanpi miski rimaypi Pawsa kantunpi manaraq Mirmaka wayquman uraykuyta qallarichkaptiyku ichisqayku machuqa ñuqaykuwan allin chaqmasqa wasanpi qunqayllamanta uchpa pampapi quchparparikurqa ñataq ñataq kay lawman lawman ñataq ñataq wak lawman lawman aquta
158
