Page 155 - Muyurina y el presente profundo
P. 155
MUYURINA I I Juan G Sánchez Martínez / Fredy A A Roncalla
qallarispa ancha karu kaptinraq traguchata yapaykunku «kusam kay chiripaq» nispa Wawakunapas lichinta suqurqanku ñuqaykupas k’uñi lichita k’uni yakutapas upyarqaniku Kamyunkunata allinta allichaptinku kaqmanta chay rit’i ñanpi churakurqaniku chaynallataq k’inqu-k’inqu ñanninta siqarqaniku Sarasara urqupa kunkankama chayninta muyurqaniku kay urqupa huknin uyankama Kayqa manayá yuraqchu karqa pisi rit’iyuq kaspa aswanyá yana qaqahina karqa Chay wichaymantam wakin urqukunata chimpanpi kaqta qawarayarqani Chay patapim anchata wayrarqa uyaykupas chiriychiri karqa Chaypim taytay riqsichiwarqa sutinmanta chimpa llaqtakunata tukuy chaypi kasqanta Ratumantam uraykuyta qallarqaniku Ñanqa rumillañam karqa k’inqu-k’inqullañam sapa wayqukumam chayaspaqa chinkarikuqraq Ancha sasam karqa chaymi allillamanta kamyunkunaqa uraykurqanku Toncio campamento chayananchikkama Toncioqa huk taksa musuq llaqtam karqa chaymi sutichirqanku «campamento» Sarasarapa huknin rumi-rumi waqtanpi runakunaqa wasichakurqa Chaymi wasikunaqa kalaminamanta karqa huknintaq rumi rumi rumillamanta tumpa ch'iqisqa karqa pisi runakuna chaypi tiyaptinku Toncioqa manam sumaqchu llakiyllaki tutaytuta karqa purunpi kaspachá Manam yuyanichu imay urachá chayarqaniku ichaqa tutayachkarqañam Kamyunmanta uraykuptiyqa «Sara
155
