Page 153 - Muyurina y el presente profundo

MUYURINA I I Juan G Sánchez Martínez / Fredy A A Roncalla
Taytayqa chufirkunawan allintam allichakurqakuña Hinaspa allin mikuspa wiksaykuta hunt’aspa kaqmanta ñanpi churakurqaniku may risqaykuman chayanaykupaq Hinaptinmi kamyunkunaqa Sarasara rit’i urquta allillamanta siqayta qallarirqanku Ancha sasam karqa Rit’ipi k’inqu-k’inqu ñanpi kamyunkunaqa qipaman lluchk’ayta atiparqa ichapas rit’i kaptin utaq anchata llasaptin Hinaptintaq ñuqaykuqa llapa puriq runakunapas kamyunmanta uraykurqaniku ama anchata llasananpaq Ichapas mana llasaptin allinta muyuykunman mana alliqninkunapi sasa kayninpi Qawariptiyqa achka runam karqaniku tukuy laya: qari warmi wawakunapas Ñanpim mirarqaniku tayta Orrego llapa illaq runakunata pallarpariptin llaqtankuman chayachinanpaq Kay lawkunapi kamyunniyuq runakunaqa manam anchatachu puriq kaqku sasa ñan kaptin chaymi tayta Orregota yaqa tukuy ñanpi runakunaqa hamunanta yachaspa suyaq kaqku Llaqtaman chayana karqa: imapipas piwanpas imaynapas chayanayá karqa Silupi yana yana yana yana phuyu mast’ariykuptin tutayarparirqa Parapas asuykamurqa manch’achistin Aswanyá sumaqllata kuyapayaq-hina qallarirqa chaymanta phiñarikuq-hina «tunrun tunrun» nispa kusata paraykun Llapaykum manch’akurqaniku Sarasara puntanpi rit’illanpi qipayta Kusatam chiriyqa chaymi katkatkarqaniku Tukuy imatapas ruranayá karqa karqa ama chaypi qipananchikpaqqa hinaptinmi llapayku minkarqaniku: wakin rumikunata maskamuqku wakintaq kaykunata astaspa kamyun 153