Page 152 - Muyurina y el presente profundo
P. 152
Serie Adugo biri I 15
rirqanku phawayllaña Ñuqaqa manam imaypas Sarasarapa yuraq uyanninta qawarqanichu wamaqmi kayna sumaqta rikurqani Anchata chiriptin samarirqaniku huk ischu wasipi chaypim wasiyuqta mañakurqanku k’uñi yakuta upyanaykupaq Chaypim mamay ñañaykunapas inkuq unquwan kakunku chiri wayraptinchá Chaypaq kusa karqa qiwa mutqiyqa Chaymanta kinraylla kinraylla kinraylla kinraylla illarqaniku ñan rakikusqankama Chay lawkunapi ñankunaqa pallqarikunku munasqanman- hina Huknin pallqa Coracoraman rirqa huknintaq Toncio campamentoman: chaykamam illarinayku karqa Ripartisiyunpi kaqmanta ischu wasipi samarqaniku taytamamay yanunankupaq Ñam chawpi punchawña karqa intitaqa manaraq rikurqanichu k’anchallarqam Manam pipas chaypi karqachu tullpallam chiriy-chiri kachkasqa mankanpas mana imayuq ichapas chaypi tiyaq runaqa uywankunawan michiq pasarqa Hinaptinmi mamayqa afanakuspa yanuyta munarqa ichaqa manam yaku nitaq yant’apas karqachu chaymi taytay huknin kamyunpi Incuyo llaqtakama rirqa yakuta yant’ata hukkunatapas apamunanpaq Incuyoqa manam karupichu karqa Utqayllam kutimurqanku Tukuy munasqanta apamusqaku aychatapas tarimusqaku chaywan allin lawata yanuykurqanku Llapayku allinta mikurqaniku rimastin asikustin ima chansakunata ruraspa tukuy pasasqanchikmanta chaykama Taytay huk runakunawan traguchata tinkaykunku «allinmi chiripaqqa» nispa 152
